Ex auro mundo nec non ex here secundo,
Pallia, pigmentum, librarum milia centum.
Misit burdones phylogeos atque leones,
Addens dromelos et habentes struma camelos,
Pelle nigra pullos et nudę carnis homullos.
Strucio, venisti, spectacula magna dedisti;
Risimus o quantum veniente sorore Gygantum.
Reges Hyspani simul omnes Galliciani,
Unus post unum, gaudent offerre tributum.
Et nostri Sardi non sunt ad munera tardi.
Dicit Cartago, quam struxit Helissa virago:
„Ante dabo censum, quam perdam territa sensum;
Quando, Roma, ruis me contra, sum sine muris.”
Allobroges, Ambri, Cynnomannes atque Sicambri
Sponte revertentur, nam se peccasse fatentur.
Ante deum iacta te, Roma, iuvencula facta,
|
|