[32] Item statuerunt quod nulla persona debeat impedire stratas; et qui
contrafecerit solvat pro banno imperiales xii, pro quolibet et qualibet
vice; et hoc statutum locum habeat in Brachio, [et] statim deberent [expedire]
stratas, cum preceptum acceperint a [consulibus,] sub pena [eis
dup]plicata, [si] recusaverint.
[33] Item [statuerunt quod nulla per]sona non debeat laborare, nec labor[ari
facere, in] diebus Veneris de Madio in dicto territorio; et [qui
contrafecerit] solvat pro banno, qualibet vice, imperiales xii; et [qui fecerit
labor]are, si fuerit de Mergotio vel de Brachio, solvat pro [laboratoribus;]
et si fuerit [cum carro,] sit pena soldorum quinque imperialium,
[salvo quod non sint] mercantie [que] velociter, debeant ire supra vel
infra, [vel conduci] contingant. Et hoc intelligitur mercantia ordinaria,
que vel[et] conduci ultra mont[em?].
[34] Item statuerunt quod nulla persona debeat, nec presumat [tenere]
aliquam bestiam alicuius forenssis ultra unam noctem, que vadat pasculare
su[per territorium] Mergotii et Brachi; et qui contra fecerit solvat
pro [banno,] qualibet vice et omni die, soldos quinque imperiales; et quilibet
[fide dignus] possit accusare.
[35] Item statuerunt quod ianue debeant esse apte infra kallendas Madii,
et murus fragie debeat aptari ad voluntatem procuratoris, et non debeat
moveri murus quod [vadi]t per traversum, in pena consuli soldorum decem
imperialium pro quolibet, et soldorum quinque imperialium procuratori,
et plus et minus ad voluntatem Credentie; et hoc intelligatur ab ave
Maria summo mane ad aliam avemmariam que pulsatur in sero.
|
|