Postque hec itaque imperator ab obsidione discedens
ibique de suis relinquens, qui fidelitatem a Mediolanensibus
exigerunt ac receperunt, Modoeciam perrexit. Ibique
equites de Martexana et Sebri conveniens, pactum cum
ipsis iniens ac eos in sua tuitione suscipiens, omnes sibi fidelitatem
fecerunt.
Interea namque imperator colloquium in Ronchalia in
sancto Martino proximo veniente maximum se habiturum
constituit. Omnibusque fere Ytalie principibus consulibusque
etiam civitatum in ipso colloquio interesse precepit; ad quod
quattuor etiam principales legis doctores, videlicet Bulgarum
et Martinum Gosiam seu Iacobum atque Ugonem
de Porta Ravegnana, Bononie magistros, interesse fecit.
|
1
5
10
|