Quare ego te suplex, caeli pater optime, Christe,
per caput ornatum spinis, per vulnera nostrae
lucis et emissam sancto de pectore vocem,
cum tua sub dulci languerent brachia ligno,
perque tuos clavos, scaeveque per omnia mortis,
hanc mihi concedas oro pro munere vitam,
hanc mihi quo semper mea sint tecum omnia, tecum
pes, manus et calami, tecum mens, ora, voluntas,
et cum visceribus tenues secus ossa medulle.
Tu quoque praeterea, regum celeberrime princeps,
quem post multa deum mitem clementia regem
ante pios omnes et sceptra ante omnia fecit,
haec eadem siculo pia des tua praemia vati. Explicit decimus
|
240
245
|