de Antiochia, sacri Imperii in Thuscia
vicarii generalis, dilecti filii nostri, sic in equorum
et armorum apparatu continuo persistatis,
ut in adventu nostro, civitatis vestrae
subsidio magnifice nostris viribus aggregato,
[ad confusionem nostrorum rebellium
intendere valeatis.]
Cap. LXXXIII.
Eisdem, ut mittant quatuor de sapientibus viris
suis ad eum, super petitis consilium impensuris.
Grata satis est in conspectu nostro fidei
vestrae constantia, quam erga Majestatem
nostram clara semper operum exhibitione
praetenditis, et prompta devotionis
alacritate portatis, de qua praestantia laudum
praeconia testimonia quae veridica nostrorum
fidelium relatione suscepimus, et nos
ipsi jam multotiens experimento manifesto
per opera, sine quibusdam relatibus,
certi sumus. Ex quibus sane digna commendatione
vos prosequimur, et benevolentiae
nostrae gratiam tanto vobis favorabilius pollicemur,
quanto devotionem vestram fructuosiorem
in nostris servitiis experimur. Cumque
pro quibusdam Excellentiae nostrae negotiis
quae honorem nostrum et commoda nostra
[respiciunt universitatis vestrae consilium