fratre facere solent fratres, integrum psalterium cum integra mortuorum
psalmodia pro eo singulis est fratribus iniungendum. Si ante Nocturnas
Uigilias moritur, subsequente similiter die post capitulum sepeliatur. Si
inter ipsas Uigilias uel postea ante praedictum sonitum de hoc saeculo
migret, post maiorem missam tradi eum sepulturae oportet. Si festiuitas
duodecim lectionum aut trium, in qua in claustro minime loquantur
fratres, ipsa die fuerit, post capitulum celebretur pro eo missa matutinalis
festiuo more sicut superius dictum est. Dehinc dicta Tercia missaque
maiore pergant ad sepeliendum fratrem. Ad quem accedentes siue de
capitulo siue de choro exeant canendo Verba mea ad corpus ueniant.
Interim pulsetur tribus uicibus unum de maioribus signis, ut si qui forte
absunt ad hunc sonum sine mora conueniant. Secretarius abbati et priori
et sacerdoti, qui obsequium facturus est, cereos distribuat, candelas
reliquis fratribus, magister infantibus. Sacerdos indutus sit alba cum
stola et manipulo; albis duo fratres ex iis, qui antea lauerant mortuum.
Albae uero sint ad huiusmodi negotium specialiter deputatae. Ii qui
portant situlam cum aqua benedicta, crucem, candelabra, thuribulum,
stent hinc et inde ad caput defuncti, reliquus conuentus ad dexteram
et ad sinistram sicut est ordo eorum.
Sacerdos adueniens prius aspergat corpus aqua benedicta, dehinc
accedens ad caput defuncti stet ita ut praedictos portitores ad dexteram
suam et sinistram habeat. Accedant duo cantores et stantes inter altare,
quod ibi situm est, et corpus dicant Kyrieleison. Christe eleison. Kyrieleison
conuentu duo priora repetente et ultimum Kyrieleison cum eis dicente.
Postea sacerdos humiliter inclinatis omnibus dicat collectam Oremus.
Non intres in iudicium . Qua dicta praedictis cantoribus incipientibus
canatur responsorium cum uersu Qui Lazarum ; quod dum canitur
incenset sacerdos altare quod ibi est et corpus. Hoc agatur secundo et
tertio excepto quod aliae collectae et alia responsoria dici debent sicut
in libris, ubi actio huius officii ordinata est, continetur. Finitis uersibus
tertii responsorii quot cantor praecepit repetatur a capite responsorium.
Quo percantato roget sacerdos pro eo orari ita dicendo Pater noster.
Et ne nos. Non intres. A porta inferi. Dominus uobiscum. Oremus. Inclina
domine aurem tuam et reliqua.
His ita peractis cantore incipiente antiphonam In paradisum exeant
canentes psalmum In exitu Israel . Praecedant praedicti portitores aquae,
|
|