Anno Domini MXXXVIIII.a Conradus moritur, et Henricus filius substituitur.
Et si vis scire vel invenire de gestis, que fuerunt eodem tempore, recurre ad
cronicam Benedicti pape VIII, et omnia que volueris invenies.
LXXXXIX. De Henrico Conradi filio.
Anno Domini MXLVII. Henricus III, Conradi filius, apud Romanos coronatus est
et regnavit an. XI. Cuius temporibus sederunt in papatu Damasus papa secundus, Leo IXus,
Victor secundus, Stephanus IXus; post quem Benedictus Xus; cui successit Nicholaus secundus.
Eiusque temporibus, anno Domini MLIIII. edificata est Ierosolimis ecclesia sancte
Resurrectionis. Anno Domini MLII, eiusdem temporibus, scilicet anno Domini
MLIIII, Luprandus apostolice sedis legatus Michaelem Constantinopolitanum patriarcham
Constantinopolim excommunicaverat, ecclesiam Latinos açunitas. His
temporibus, anno Domini MLVI. defuncto Constantino Monarcho Theodora imperatrix
per biennium Constantinopolim rexit imperium. Cui successit Michael Onricas, qui regnavit
an. II, et eiectus ab Ysachio factus est monachus; succcssitque Ysachius, qui regnavit an. II.
Anno Domini MLVI. Henricus moritur; cuius corpus ultra montes translatum est;
et permansit vacuum regnum XXVI an. Et si vis aliud invenire de gestis,
que fuerunt eodem tempore, recurre ad cronicam Leonis pape IX. et hystoriam
comittisse Matildis, et omnia invenies.
C. De Henrico quarto.
Anno Domini MLXXXVIII. Henricus quartus regnavit apud Romanos an.
XXVI; quem filius eius adeo persecutus est, quod ei regalia resignavit. His que temporibus
Nicolao secundo successerunt Alexander papa secundus, qui cum Candalo Parmensi episcopo
contemptione fuit electus, sed obtime Alexander, et Gregorius papa VIIus, qui captus est a
quibusdam Romanis apud sanctum altare nocte natalis Domini, sed eadem die dimissus in suo statu
receptus est. Sed fugiens imperatoris insidias. quem de electionibus arguebat episcoporum,
in Apuliam pervenit; ubi a Roberto Guiscardo honorifice susceptus est,
sed apud Salernum sepultus est. Anno Domini MLXXXVIII. imperante Henrico,
his temporibus Robertus Guiscardus invasit Apuliam et etiam Romam impugnare presumpsit. Ierusalem
a paganis et Turcis capitur. Quidam et Turcomanni orientalia regna ceperunt, qui
sic dicti sunt a Turcho duce ipsorum. Homines agrestes sunt, non habentes |
|