tunc Alexander illos duos qui occiderant Darium supra sepulcrum
ipsius suspendi precipit; quod Persani videntes, invaluerunt
satis in amore ipsius. Deinde significavit [filie] que
pater ordinaverat in testamento suo et specialiter ut cum eo
nuberet. Quod annuit puella; et missis ab eo que expediebant
sponse, ipsam conduxerunt ad presenciam Alexandri. Hoc acto
ordinavit fratrem Darii loco sui in regnis, et libros omnes gentilium
cremari fecit, et libros astronomie, phisice et philosophie
transferri fecit in grecum et, translationibus missis in Greciam,
exemplaria cremari mandavit; et domos similiter holocaustorum,
et omnes sacerdotes et prepositos legis fecit occidi. Et in oriente
diversas villas construens, eas aliis populari mandavit. Et dum
Alexander accederet ad expugnationes regum gentilium, pervenit
ad eum quedam epistola matris sue, continencie talis: Roquia,
mater Alexandri, filio suo Alexandro, quondam debili, Dei potencia
nunc robusto, exaltato: fili, non exalteris, [ne] humiliet
is propterea, sciens quod a statu in quo es perverteris modico;
fili, avariciam vita, que res est nocibilis; fili, thesauros et addunatam
peccuniam quam congregasti huc usque aspice, et per
equitem unum bonum ad me velociter mittas. Alexander vero,
lectis litteris, peciit a sapientibus exponere a matre transmissa:
qui exponere nesciebant. Et tunc, vocatis scribis alia, precepit
eis: certificemini de thesauri nostri numero et quantitate,
quam in littera una scribatis distincte, et loca ubi deposita sunt,
et cartam ipsam sic scriptam matri transmittatis, quia ipsa thesauri
quantitatem et loca quibus deposita sunt et non aliud scire
|
|