est, quando grex ille fidelis sed modicus egressus est de Molismo,
et venit habitare Cistercium. Queris quid deinceps? Construxit Benedictus
duodecim monasteria, auctus et dilatatus in filiis, et grex
ille, a principio modicus, quam in mundo dilatatus sit, liquet omnibus
latinis, grecis et barbaris, et diversis nationibus terre. Est enim
perfectissimus duodenarius numerus, propter quinarium et septenarium,
quorum alter ad exercitia corporum, alter ad virtutes pertinet
animorum; quia et sensus corporis quinque sunt, et septem
dona sancti Spiritus, que animam letificant, quam adimplent. Inde est
quod panum miracula in quinque ordeaceis et septem, ut putatur,
triticeis, peracta sunt: inde quod tribus duodecim in quinque et
septem divise sunt, similiter et ecclesie totidem. Primo namque
Ruben et Gad, Manasses, Efraim et Iuda, deinde septem tribus
reliquam hereditatem acceperunt. In ecclesiis quoque simile aliquid,
dignitate magis tempore, completum est: Jerosolimitana namque
et Antiochena, Alexandrina, Bizanzea et Romana ecclesia,
patriarchatus dicte sunt, post quas septem ecclesie asyatice dignitatem
plurimam accepisse noscuntur, in spiritu tamen potius quam
in littera. Sed et hic abbatias quinque iam tenemus pre manibus,
que aliarum capita facte sunt, de septem vero usque modo nulla
est manifesta cognitio. Nec mirum. Novissime septem tribus
|
|