pro pena exinde percipere et se indempnem conservare.
/*
De iuramento mutui preterea, sicuti superius promisit,
sic ad sancta Dei evangelia solvere, facere et observare,
sacramento corporaliter prestito, iuravit, nisi ipsius creditoris
parabola remanserit, ita tamen quod de termino
in terminum eodem modo teneatur.
DE FIDEIUSSORE MUTUI.
Insuper, talis filius talis, de tali loco, rogatu et
mandato predicti debitoris, renumptiavit nove constitutionis
beneficio, fori privilegio, omni legum et iuris ac
constituti auxilio, et exceptioni speciali et generali, se
principalem ipsius debiti constituit debitorem ipsi creditori,
cui promisit solvere et reddere predictum debitum
infra octo dies proxime post inquisitum predictum
terminum ex quo ille falleret; et promisit ei non probare
solutionem et liberationem, nec absolutionem vel conpensationem,
nec termini mutationem huius debiti vel
pene, nec aliam exceptionem contra hec, nisi per scripturam
publicam, vel per istam redditam et cassatam;
alioquin: si omnia et singula non observaverit et, ut
dictum est, non solverit, promisit ei dare, nomine pene
et pro pena, libras tot eiusdem monete, et dampna et
expensas resarcire, unde, pro hiis omnibus et singulis
sic observandis, obligavit et pingnus fecit eidem bona
sua omnia, presentia et futura, constituens se pro eo
possidere; que ex pacto, si non solverit, possit ingredi
et uti frui, et inde facere quod voluerit.
DE CONSENSU UXORIS DEBITORIS.
Item ad hec Maria uxor predicti I. debitoris, ipsius
viri sui consensu et parabola, et legittime a me notario
interrogata et de iure suo ypoth(ecario) certiorata, congrua
responsione secuta, predictis omnibus et singulis a
viro suo superius actis, consensit et parabolam et consensum
|
|