ipsos nobiles ac rusticos compellebant. Insuper etiam pro
unoquoque molendino, qui in aquis navigalibus maxinabant,
a dominis ipsorum molendinorum, quicunque forent, viginti
et quattuor denarios veteres exigebant; a dominis autem
molendinorum in aliis aquis maxinantium tres solidos veteris
monete accipiebant. Piscatoribus vero terciam partem omnium
piscium auferebant. Et si aliquis preter eorum preceptum
aliquam feram bestiam vel volucrem capiebat et ipsi scire hoc
poterant, et bestiam et volucrem captori auferebant et insuper
ipsum peniteri ex suis propriis rebus, quandoque etiam ex
ipsius persona faciebant. Preterea omnia districta, que
capitanei vel aliqui alii domini alicuius castri soliti fuerant ipsi
et eorum antecessores per trecentos annos a retro temporibus
habere et tenere, in ipso castro aut in villa ipsius castri habitantes,
imperator ipsis dominis omnimodo abstulerat; nec eos
ipso districtu uti nec ipsum exercicium exercere permittebat,
sed sibi totum vendicabat. Sed quid ad ultimum dicam, nisi
quod insuper etiam et aliis tantis malis eos quotidie opprimebant,
que, si per ordinem narrari deberent, nimis difficile videretur
ac in fastidium pre nimia multitudine verteretur. Interea
namque dum Longobardi, sicut supra dictum est, et
etiam multo magis opprimerentur — cum ipsi bene et large
et sine districto alicuius in sui libertate vivere ac manere
soliti fuerant et res ipsorum secundum eorum libitum et
voluntatem disponere consueverant nec sub imperio vel
condicione alicuius retro temporibus sic districte steterant —, in
magnum dedecus maximumque obprobrium et ultra etiam,
quam dici vel cogitari possit, acceperunt; dicentes inter eos:
melius esse eis penitus mori, quam hanc talem turpitudinem
taleque dedecus eos pati. Sed tamen vite vindictam facere
|
1
5
10
15
20
25
30
|