vocat [ sup ., incredulos], cum dicit: Nolite obdurare
corda vestra .
4. Quemdam . Ordo: quemdam [ f ., terminat diem
quemdam] post tantum temporis hodie in David dicendo,
sicut supra dictum est Hodie si , etc.
5. Nam si eis Jesus . Non est iste Jesus Salvator
mundi; sed Jesus, qui etiam Josue nominatur, a
quo populus Judaeorum ductus est in terram promissionis;
qui si veram requiem eis praestitisset,
nunquam post illam hac die, id est hodie, hoc
tempore David de alia loqueretur.
6. Requiem praestitisset . Illi ingressi sunt, id est,
illis non dedit requiem illam, nam si illis praestitisset,
nunquam de alia locutus fuisset. Vel respondit:
non omnem requiem tribuit eis Jesus Nave (nunquam
de alia) omnem requiem id est temporalem
et coelestem.
7. Itaque relinquitur . Concludit quod superius
probabatur. Quasi diceret: ingredimur igitur in
requiem.
8. AMBROS. Ipse requievit . Requies Dei operum
perfectio intelligenda est; per illam vero requiem
quae aeterna est nos ad aeternam provocat, quam
sabbatismum nominavit, non requiem, quia Judaeis
loquebatur; nec vult tale sabbatum in regno Dei,
ut iterum quis exinde revertatur ad opera laboriosa,
sicut in sabbato carnali fecerunt. Istud vero sabbatum
|
|