[19]
Et statuimus ut maiores consules infra .XV. dies proximos
post sacramentum eorum prestitum mittant bannum, su[b] pena
.XII. denariorum, ut nullus laborator terrarum a kalendis
novembris usque a[d] kalendas aprilis accipiat in die pretium
ab aliquo cive Pistoriensi ultra duos denarios, nisi quando laborat
cum vanga, preter victualia, vel nisi faciat fossam: tunc
accipiat denarios .III.; et a kalendis aprilis usque a[d] kalendas
novembris denarios .IIII., preter victualia. Et si quis
laboratori tenuerit suam mercedem ultra dies octo postquam laborator
sibi petierit, tollant ei denarios .XII., nisi per laboratorem
steterit. Similiter puniatur qui plus dederit, ut supra dicitur.
[20]
Item, ut nullus asinarius a kalendis novembris usque ad
kalendas aprilis pro diurna mercede accipiat ultra denarios .VI.
in die, et a kalendis aprilis usque ad kalendas novembris denarios
.VIII., preter victualia. Qui contra hoc dederit vel acceperit,
et cognitum fuerit, componat denarios .XII. Et hoc idem
spectet ad officium rectoris duplum mercedis puniendi.
[21]
Et statuimus ut nullus maister lingnaminum a kalendis novembris
usque ad kalendas aprilis ultra denarios .V. in die pretio
accipiat, et a kalendis aprilis usque ad kalendas novembris
ultra denarios .VII., preter victualia.
|
|