transmittatis. Ego enim vobis equum ipsum, si, annuente Domino
sicut promittit, mihi vox fortune successerit, vita comite, placabiliter
restaurabo, qui vobis onus in annis primitiarum mearum cum fiducia modo
pono. Idcirco equum ipsum, cum eo nimis indigeam et importabile de
ipsius carentia sustineam detrimentum, mihi quanto citius transmittatis.
… archiepiscopo Neapolitano … sacrista Casinensis.
Roseus vapor, odoris fragrantiam redolens, Parthenopensis transmittitur,
quem siquidem, sicut ignis, fervor ex floribus extorsit in vitrum, sic
fervens refudit in dominum sacriste devotio servitoris.
... amicus … amico.
Ab amico mihi dilecto, preces vobis porrigere, precum protectione,
compulsus, vos deprecor, ut lapidee cotis cuiusdam comoditas, cuius inest
amico vestro Petro possessio, per tertie vestre rogationis officium, possessionem
subeat deprecantis.
|
|