servitia et prestationes, eidem annuatim, die tali et
loco, dare, facere et prestare annuatim promisit; vel:
confessus [est] et fuit eidem, quod predictum resedium et
terras et podere, quod vel quas tenet ad ipso, et pro
ipso domino habet, tenet ac possidet, et pro eo tenere
et possidere, et predicta facere et observare, et abinde
non discedere vel separari ullo modo promisit, se et
suos heredes et bona ad hec observanda obligando
eidem, et eius heredibus, in perpetuum. Alioquin: promisit
pro se et heredibus dare eidem, vel suis heredibus,
nomine pene, libras tot pisanas, et dampna et expensas
resarcire, et post hec ex pacto firma tenere, sub ypotheca
rerum suarum, et ren(umptians) et cetera ; et si
iuraverit preterea: sicut promisit ita facere, dare et observare
iuravit, et ita vera esse et stare et facere et dare
debere, ut superius continetur.
DE FIDEIUSSORE ET IURAMENTO.
Si autem fideiussorem dederit, dicas ita: insuper
talis fideiussit et promisit ut supra et cetera ; et si iuraverit
precepta sua dicas ita: insuper dictus I.; ad sancta
Dei evangelia, iuravit preceptum et precepta ipsius B.
domini sui, quot et quanta et quotiens ei fecerit, vel
fieri fecerit, per se vel per alium, vel per suum certum
numtium, aut licteras, facere, adtendere et observare,
bona fide, sine fraude, omni fraude et malitia et sophismate
remotis.
Vel: iuravit ei fidelitatem sicut fidelis suo domino,
ac omnia ac singula facere et observare que ad fidelitatem
pertinent.
DE CONFESSIONE ET PROMISSIONE SERVITORUM.
Vel: talis fuit et est confessus tali, nomine pensionis
vel comandiscie, vel afficti, vel alterius prestationis,
dare ei et prestare debere annuatim tale quid, et debet
nominari, pro tali terra et re, vel pro terris et podere
ac rebus quas tenet vel tenebat ab eo et pro eo, positis
loco tali, et debent nominari per fines si possunt; quod
|
|