possunt. 34 Excipiuntur "Iugurtinus", "Messalinus", "terrenus",
"femininus" et preter in teria desinentia, que ia mutant in nus , ut
"Fabrateria, Fabraternus". 35 Excipiuntur etiam in nia pura
desinentia, que mutant ia in us , ut "Hispania, Hispanus",
"Campania, Campanus", "Lauinia, Lauinus". 36 Si uero ante ia
aliam quam n habuerint consonantem, tunc ab eis deriuata i
longam habent ante nus , ut "Luceria, Lucerinus", "Placentia,
Placentinus", sic "Anagnia, Anagninus", "Alexandria, Alexandrinus";
excipitur "Adrianus". 37 Similiter a habent ante nus que
deriuantur a nominibus secunde declinationis in ius terminantibus,
aut in culus uel cus ultra duas sillabas, ut "Pompeius,
Pompeianus", "Tullius, Tullianus", "Iulius, Iulianus", "rusticus,
rusticanus", "publicus, publicanus", "Saticulus, Saticulanus".
|
|