Benzo Albensis : Ad Heinricum IV. imperatorem libri VII

Pag 574


CAP. VI.


TANTUS ES, o cesar, quantus et orbis;
Cis mare vel citra tu leo fortis.
Presso namque tua calce dracone
Victor habes palmam cum Scipione.

Ille quidem Penos exsuperavit,
Sed tua Romuleos dextra fugavit;
Ille palaciola fregit Elisse,
Tu Romę muros Iulius ipse.

Transcendens Fabios et Cicerones,
Cunctos Fabricios atque Catones,
Das populis iura cum Salomone;
Nam mel ab utroque funditur hore.

Reges christicolas atque profanos
Et Theodosios, Iustinianos
Et magnos Karolos atque Pipinos -
Altius ut dicam, atque Sabinos -

Transilis hos sensu, viribus, armis
De cęlo missus, non homo carnis.
Te quoque regna tremunt, cesar amande;
Temet ubique deus ambulat ante

Torna all'inizio