9. Dicendo autem novum . Ita sunt inter se Novum
et Vetus, sicut magnum et parvum. Quotiescunque
enim duae res inter se conferuntur, si una vocatur
nova, altera vetus; et econtra.
CAP. IX.—1. LANFR. Saeculare . Sacrificium Judaeorum
vocat saeculare, vel quia transitorium, sicut
omnia quae hujus saeculi sunt, vel quia in modum
temporis singulis annis eadem repetebantur.
2. Sanctorum viam . Sanctorum via est vel ipse
Christus, vel spiritualis intelligentia legis.
3. Priore . Prius tabernaculum est carnalis intelligentia
et observantia legis; secundum, spiritualis.
4. Parabola est . Allegoria Veteris Testamenti; hoc
praesens tempus. in quo Ecclesia Christi fundatur et
gratia Novi Testamenti praedicatur, significat.
5. Conscientiam . Juxta conscientiam dicit, vel
quia legales hostiae peccata cogitationum non purgabant,
vel quia ab anima conscientiam perpetrati
sceleris perfecte abstergere non poterant.
6. Tabernaculum . Tabernaculum quod Christus
introivit, vocat coelum, quod peramplius et perfectius
est quam illud Judaeorum tabernaculum quod
vocabant Sancta sanctorum.
|
|