novissime relicta Ytalia in Galliarum heremum transmeavit,
ubi tamen et per annos aliquot latitare, ac si in specu, compulsa est.
Erant enim iam tunc in partibus illis, sicut in ceteris mundi partibus
Christi sceptro subiugatis, cenobia, sed que non agnoscerent
Benedictum, eo quod vinum novum in utres veteres non apte recipitur,
et videntes vetus non libenter novum aspiciunt. Qui ergo
furtim receptus est in partibus illis, et quasi furtim ut in specu
nutritus, quia pauci admodum erant ibi discipuli, qui servantes disciplinam
Benedicti susciperent, et qui eos, ut inter eos vivere possent,
alimentis spiritalibus refoverent. Unde et tintinnabulum, quod
Romanus resti ligaverat, parvum fore describitur, quia non aperte
illos laudare et quasi predicare publice presumebant, sed quasi
furtim, ne forte non placeret his qui non cognoscerent illos. Sed et
hoc ipsum tintinnabulum invidia diaboli fractum est, quia nunquam
desunt, iuxta Apostolum, filii carnis, qui persequantur eos qui secundum
spiritum nati sunt, et querant extinguere donum gratie
quod a filiis spiritus confovetur. Tribus autem annis mansit occultus
sicut Helias, hoc est, tribus temporibus annis totidem designatis,
hoc est, tricenariis annorum circiter decem et octo. Pro eo namque
quod lunares menses solaribus iuncti sunt, senarius duplicatus ad
duodenarium consurgit. Inde est quod post tres annos fecundatur
ficulnea, et post decem et octo annos mulier inclinata sanatur, nimirum
quia hoc tres anni quod ter seni significant. In eo
autem quod post annos tres lucerna que sub modio occultabatur
illuxit, miro modo cum Helia Benedictus concordat, quia et ille
post tres annos revelatus est populo. Nec immerito in die pascali
sacerdoti sibi delicias preparanti innotuit, quia tempus istud tercium,
in quo spiritus resurrexit e littera, in die resurrectionis dominice
designatum est. Sane sacerdos iste, cui Dominus hanc gioriam revelare
dignatus est, iios venerabiles episcopos designat, quorum
|
|