[Paragrafi aggiunti nei mss. CX, NP et Z.]
38. Quando ancipiter non potest exmaltire. Ms. CX.
Accipe verme[s] terre et pone eos super tegulam calidam et
sicca eos et fac pulverem et infunde in carne calida et da ei
comedere, et sanabitur.
39. Ad idem (Ms. CX).
Item, accipe parum de aloe et da comedere avi cum carne
porcina calida, et postea da sibi de garioffolos per triduum ad
comedendum cum parva ave.
40. Ad podagram ancipitris. (Ms. CX).
Tere erbam que dicitur tutumellus cum melle et aceto et paulum
calcis et liga super podagram. Et postquam se moverit,
unge cum aloe et vino.
41. Si ancipiter eicit pastum. (Ms. CX).
Accipe muschatum et da ei comedere avi cum carne madefacta
et muschatum impone naribus et aqua calida.
42. De vomitu ancipitris. (Ms. CX).
Si ancipiter vomit, date illi carnes cum vino. Si digerit,
scias quod potest vivere, si non, morietur.
43. Si ancipiter non bene digerit. (Ms. CX).
Accipe sucum blete cum melle mistum et inpone in naribus.
44. Si vis quod astures mutentur bene. (Ms. CX).
Accipe serpentem et mitte in olam cum aqua et fac bulire
cum furmento ita ut nichil remaneat de serpente. Postea accipe
de dicto furmento et da comedere duabus gallinis nigris et de dicta
aqua furmenti distempera furfur et da comedere per decem dies,
et dicte galline da comedere astori.
|
|