ejus, munitiones quas poterat evidenter
avertit contra nos, ne transire possemus: quanquam
haec frustra tentaverit, Lombardorum
exercitum congregando. Obtenta deinde cum
auxilio regis regum de Mediolanensium pravitate
victoria, dum Lombardi contra nos et
Imperium de ipsorum resistentia desperarent,
ad eundem summum pontificem, qui eos favore
palliato protexerat, defugerunt, asserentes,
quod nisi ipsos a nobis Papa praefatus
et fratres, publica defensione defenderent,
ad nostrum et Imperii redire dominium
cogerentur.
Cap. XXI.
Fridericus eisdem et super eisdem, conquerendo
de summo pontifice.
Levate in circuitu oculos vestros, arrigite
filii hominum aures vestras, videte
generale orbis scandalum, dissidia gentium,
generale justitiae doleatis excidium, exeunte
nequitia a senioribus Babylonis, qui populum
hactenus regere videbantur, dum judicium
in amaritudinem, et fructum justitiae in
absynthium convertunt. Sedete principes,
et intelligite populi causam nostram, de vultu
Domini judicium prodeat, et oculi vestri videant
aequitatem. Scimus enim, et in supremi