etiam vinculo quo unimur, tua et quorum
negotia non minus libenter quam propria,
continuis semper profectibus disponimus promovere.
Propter quod dilectionem tuam inducimus
et hortamur attente, quatenus non
expectans ut consolandi remedia lassitudo
tibi moeroris indulgeat sed animum redolens
viri fortis assumas omnem causam lugubrii,
dolorisque reliquias, quas forte tibi
muliebris mollities reliquit ad lachrymas,
verborum nostrorum lenimentis abjicias, et in
gratiosa spe nostrae proximitatis abstergas.
Ad haec quicquid N. tibi de honore et
servitiis nostris verbotenus ex parte nostra
retulerit, indubitabiliter prosequaris.
Cap. IV.
Cuidam fideli suo, consolando eum de morte
filii sui occisi in expugnatione Victoriae.
Lugubrem filii tui casum, vulgaris famae
fortassis lugositate praecognitum,
cujus doloris aculeus prius dominica pecora
transiens, quam paterna, fecit in nobis
quantum licuit et decuit stationem, infesto
tibi stylo describimus. Et licet ejusdem obitus
nos in ejusdem obsequiorum subtractione
turbaverit, et te, sicut firmiter credimus, in