Petrus de Vinea: Epistolarum libri VI

Pag 278

Tomus I


[quae sic ipsorum infatuavit aperte consilium,
quod praedictos Tibaldum Franciscum
et Guilhelmum de Sancto Severino, et eorum
complices, inferioris generis et aetatis,
sceleris nefandissimi patratores, et contra nos
divinae potentiae contemptores, convenientia
praecogitare consilia, et sufficientia praeparare
subsidia non permisit]. Qui cum potuissent
monitiones quaslibet regni nostri praeripere,
tum ex familiaritate praecipua, quam
ad ipsos consiliorum nostrorum participes, et
omnium negotiorum actores, praeteritis
temporibus habebamus, tum ex praedicti
Andreae de Cigala, in regno Siciliae nostri
Capitanei generalis nefando consortio,
qua quaelibet castra nostra suae jurisdictioni
commissa, ponere poterat et deponere Castellanos,
castrum Capuacii nomine, quod
capi de facili nec immerito poterat formidare,
sic subito, sic temerarie conscenderunt, sic exiliter
munierunt, ut nedum contra Romanum
principem qui praecelsa cacumina montium
potenter inclinat: sed nec contra potentioris
vicini potentiam tueri se longo certamine potuissent.
Etenim, licet non defuisset eidem
ad defensionis longae fiduciam rupis excelsae
munitio, mucrorum fortium ambitus, et copia
bellatorum vel defensorum: veruntamen
abfuit necessariarum rerum fertilitas,

Torna all'inizio