Christi sacerdotibus prebens humilem se clericos vehementer honorans, omnes ad
se uenientes honoralibiter excipiens ac letos a se remittens, nutritor gentis, pacis amator,
delinquentibus clemens, suis beneuolus, pacatos extraneis et cunctis amabilis atque largus in
donis plurimis. Omnibus namque gratus ac commodus, et tam suis quam extraneis magis dilectioni
quam timori se exhibere studebat. Eo quippe mortuo tantus luctus publicus fuit,
ut omnes doluerint tamquam in propria orbitate. Cui Willelmus filius eius in honore ducatus
eius successit. Post obitum uero ducis Roggerii die quarta decima Boamundus frater
ipsius Roggerii ducis simili infirmitate in Apulia mortuus est sepultusque iuxta ecclesiam
beati Sabini confessoris in ciuitate Canusia. Fuit autem Boamundus miles strenuus, corpore
deducto, honorabili animo constans, cautus eloquio, ingenio astutus, bellicosus, inquietus,
semper inpossibilia appetens, peritia atque uirtute in bello preualidus. Huic autem Boamundus
filius eius una cum matre sua domna Constantia successit.
Anno Domini MCXIIJ indictione VJ. Hoc anno mense Ianuarii comprehensa est a
Barensibus equitibus mater Robberti comitis et in custodiam missa. Unde iratus comes
Robertus fecit incidi oliuas et arbores et uineas Barenorum. Tunc Barenses fecerunt sibi
caput et dominum Risonum archiepiscopum, et ceperunt habere guerram cum predicto Roberto
comite.
Anno dominice incarnationis MCXIIIJ indictione VIJ Tancredus Marcisi filius cui Boamundus
|
|