9

MCXX. In festivitate Sancti Sixti Pisani in Portu Veneris vicerunt Ianuenses.
MCXXII. Ianuenses venerunt ad fauces Arni cum galeis XXII; Pisani, stantes ad consecrationem
altaris Sancte Marie, iverunt contra illos, et pugnando eos vicerunt, et sex
galeas ceperunt, et alias fugaverunt, et cum magno triumpho Pisas redierunt.
A.D. ab Inc. eius MCXXXIIII, VI Nonas Iulii, pax inter Pisanos et regem de Morroch
et regem de Tremisiana, et Gaidum Maimonem in decem annos firmata est, duabus illorum
galeis Pisis venientibus.
A.D. MCXXXIIII, in mense Septembris, incepta est lis a Pisanis cum rege qui dicitur
Rogerius.
A.D. MCXXXVI, tertio kal. Iunii, celebratum et inceptum est concilium domno et
summo pontifice Innocentio Papa presidente, cum multitudine patriarcharum, archiepiscoporum,
episcoporum, abbatum et sacerdotum, clericorum, et finitum est octavo Idus Iunii; et
investitus est marchio Ingilbertus de marchia Tuscie in predicto concilio.
A.D. MCXXXVI. Pridie nonas Augusti fuerunt Pisani cum XLVI galeis super Malfim,