«Gravis querela dilecti filii nostri P. ad nos delata pervenit
quod cum in possessione cuiusdam terre sementaricie foret,
tu eum in requisitum de possessione violenter expulisti.
Quapropter.»
«Dilectus filius noster O. nobis suis litteris intimavit, quod
cum fratre suo G. ad tanta verba devenit quod unus alteri
mortem machinatur. Ne vero tantum scelus numquam perfici
possit devotioni tue per scripta presentia mandamus
precipiendo, quatenus.»
«Ante lator presentium nostram presentiam constitutus de
M., fratre et consortio tuo, querimoniam posuit dicens quod
eum sine culpa verberavit multa verborum ei impropria
inferendo. Quapropter.»
«Ex quorumdam accepimus relatione quod focariam in
domo propria retinebas publice quod tollerare non possumus
nec debemus. Quapropter.»
«Ex multorum relatione audivimus quod dominus papa est
in estate futura in Campaniam venturus propter quem
honorifice oportet vos in victualibus preparare. Quapropter. »
«Presentium latorem dilectum filium et familiarem nostrum,
P., quem pro quibusdam ecclesie nostre negotiis ad urbem
transmisimus, universitati vestre recommendamus
devotionem vestram attentius deprecantes quatenus ei in
suis neccessitatibus in eundo et redeundo provideatis ipsi
cum a vobis petierit securum ducatum prestantes.
Quapropter.»
22 Sic potest aliquis exordiri quando scribit alicui obitum alicuius
«In huius epistole titulo salutem vobis optavi, sed narrationis testus
contradicere videtur quia dilectissimi filii vestri obitum vobis
cogor intimare. Nam cum propter suas multiplices probitates ab
omnibus honoraretur, et inter suos socios planum existeret amabilis,
gravissima est arreptus egretudine unde a medicorum medico
|
|