Pag 284

1152. ind. 15. Eugenius papa reversus est Romam 8. Idus Septembris. Exiit Leo abbas
et electus est Landulfus abbas 12. Kal. Octobris die sabbati quatuor temporum: ipso die
in ipsa ecclesia sancti Clementis ordinatus est subdiaconus et conversus. Fredericus imperator
imperavit ann. 39 qui excessit alios in malum contra ecclesiam.
1153. ind. 1. Anastasius IV. sedit anno 1, mensibus 4, diebus 25. Obiit Ptolomaeus
Tusculanus 5. Kal. Martii. Obiit Landulfus comes Ceccani 3. Idus Aprilis sabbato in palmis.
Obiit Eugenius papa Non. Iulii Tiburim. Deportatus est Roma, sepultus in ecclesia sancti Petri.
Conradus episcopus Savinensis consensu omnium elegitur in papam Anastasium. Scalona capta est a christianis
14. Kal. Septembris.
1154. ind. 2. 13. Kal. Iulii venit fulgur de coelo in valle quae est subtus ecclesiam
sancti Clementis, et occidit ibi Iohannes presbyter et Petrus et Benedictus et Maria die
sabbati. Obiit Anastasius papa III. Non. Decembris. Albanensis episcopus eligitur in papam Adrianum.
Adrianus sedit annis 5, mensibus 8, diebus 27.
1155. ind. 3. Hoc anno cancellarius Gulielmi regis Siciliae cum maxima gente infra mense
Madio venit Ceperanum, et in 3. Kal. Iunii crematum est. In Kal. Iunii in terra sancti Petri, et ivit
ad Montem sancti Ioannis, et in 3. Non. Iunii cremavit castrum Babuci. Postea venit Frusinunem;
et cremavit Ticolenam, et sic reversi sunt. Deinde venit rex Romam, et coronatus est a
papa Adriano in festivitate sancti Petri, et reversus est Spoleti, et cremavit illum, et reversus
est in terra sua. Et 12 Kal.Septembris Mariburellus cremavit Arcem. Postea venit apostolicus
cum cardinalibus in 7. Idus Octobris ad civitatem Soranam, et dedicavit ibi ecclesiam
sanctae Mariae. Et domnus apostolicus una cum principe recepit Capuam et
aliam terram, et in festivitate sancti Martini crematum est Pofe.
1156. Hic venit Fredericus Romam, et accepit coronam apud Sanctum Petrum ab Adriano papa.
1156. ind. 4. Hoc siquidem anno Guillelmus rex Siciliae pugnavit cum Graeco apud
Brundusium, et devicit eum, dehinc venit Barim et dextruxit eum, et fecit ex eo villas.
Inter haec Robbertus princeps fugit, et captus est a comite Ricardo cum suo filio et filia in
Traiectu, et datus est in manu regis praedicti. Deinde venit Beneventum, ubi erat Adrianus
papa cum comite Robberto de Rotellu et cum comite Andrea et cum multis aliis, et eiecit
eos inde, et fecit finem cum domno papa, et fecit eum iusiurandum, et domnus papa concessit
ei totam terram quam ipse tenebat. Mense Madio Simon Soranus interfectus est a suis
hominibus; filius eius Simon fecit vindicatam pro eo fecit cremare et praedare tota civitas.
Post haec ascendit in arcem Surelle et rebellavit se regi. Tunc rex fecit possidere eam
per totum annum et eo amplius, et non potuit eam acquirere, et papa reversus est Romam.
1157. ind. 5. Gregorius comes Ceccani hoc anno acquisivit Carpinetam in octava sanctae
Mariae. Mense Novembris venit comes Andreas cum Romanis et Graecis et aliis multis. Aquisivit
totam terram Fundanam, et cremavit Traiectum. Pro vindicta principis acquisivit terram sancti
Benedicti. Post haec intravit Cominum, et cremavit Postam et Campuri, et perrexit usque Atinum,
et reversus est ad Aquinum.
1158. ind. 6. Hoc anno in festivitate Innocentum, feria quarta post epiphania, perrexit
comes Andreas super civitatem Sancti Germani, et pugnavit cum militibus regis, et
devicit eos, apprehendit ex illis plus quam ducentos et omnia spolia eorum; alii fugerunt ad
monasteriurn sancti Benedicti, et comes misit civitatem in suo iure, et ascendit in montem,
et possedit monasteriurn usque in festo quadraginta martyrum, dimisit omnem terram, et
ivit Anconam deinde ivit ad imperatorem, qui obsedebat Mediolanum. In hoc anno in
festo sancti Bartholomaei Ceccanenses pugnaverunt inter se: miles Landi de Balle de
Montone, et miles Ionathae Tusculanae, qui perdidit alio die. Roggerius abbas Sanctae
Mariae obiit.
1139. ind. 7. Hoc anno papa Adrianus venit Anagnim et ibi defunctus est Kal. Septembris feria
tertia, et divisa est ecclesia. Omnes cardinales elegerunt cancellarium in papam Alexandrum.
Guido de Crema et Raimundo et episcopus Tusculanus elegerunt Octavianum cardinalem in
papam Victorium et sacratus est Pharphum; et Alexander prius sacratus est Nimpha. Hoc
anno crematus est Pipernus et Fummone. Ubaldus episcopus Ferentinus ivit cum vicario
ad imperatorem.