22. (1) DE HABITU.
(2) Habitus est proprietas aveniens per applicationem difficile mobilis et est habitus corporis et habitus animi, scilicet aliqua commoditas vel in commoditas non data naturaliter sed vitio vel industria comparata, ut sanitas, egritudo, virtus, scientia et his similia vel his contraria. (3) Unde O.: 'Non formosus erat sed erat facundus Ulixes' ('facundus' ad habitum, 'formosus' pertinet ad naturam).
23. (1) DE AFFECTIONE.
(2) Affectio est proprietas per applicationem adveniens facile mobilis, que in hoc videtur ab habitu discrepare, quod huiusmodi commutatio precedente causa venit ex tempore, ut letitia, tristitia, cupiditas, molestia, metus, morbus, debilitas et his similia. (3) Nam ex tempore aut negotiorum eventu aut administratione aut hominum studio sepe contingit huiusmodi commutatio. (4) Unde Boetius: 'Gaudia pelle, pelle timorem spemque fugato nec dolor assit'.
24. (1) STUDIUM.
(2) Studium est vehemens assiduaque animi applicatio cum summa voluntate ad aliquid peragendum. (3) Unde illud: