h.
Examinatis testibus, citari debet pars ad videndum attestaciones
publicari secundum formam suprascriptam sub
rubrica que dicit citacio ad certum actum.
Et post illam citacionem publicantur testes. et datur terminus
ad recipiendum copiam attestacionum, et ad dicendum
contra testes et dicta eorum quidquid dicere
volunt.
Que publicacio ita scribitur et terminus.
Publicacio testium et terminus ad dicendum contra
attestaciones.
Constitutis in iudicio coram domino archyepiscopo supradicto
P actore et R reo predictis in termino eis dato
ad deposiciones testium publicandas, idem dominus archyepiscopus
de istarum parcium voluntate apparuit, et publicavit
attestaciones testium premissorum, prefigens eidem
R terminum peremptorium ab hodie ad xv dies proximos
ad dicendum et dandum in scriptis contra dicta ipsorum
testium vel contra personas eorum quidquid dicere vel
dare voluerit. et interim ipsorum recipiat copiam, si ei
videbitur expedire.
2.
Publicatis attestacionibus, si transacto termino nichil
dicitur contra eas, consueuit dari terminus ad producendum
omnia instrumenta acta et munimenta, qui terminus
ita scribitur.
Terminus ad producendum instrumenta.
Coram reverendo archyepiscopo supradicto conparentibus
in iudicio P et B predictis, idem dominus archyepiscopus
utrique ipsorum ad producendum omnia instrumenta
acta et munimenta quelibet causam ipsam
qualitercumque tangencia hinc ad viii dies proximos
peremptorium terminum assignavit.
|
|