Ophiano et Montaliano .II., de Caput Pharphę .I., de Cerreto Malo .I., de
Salisano et de Rocca .I., de Agello .I., de Caballaria et Quinza .I., de Bucciniano
.I., de Monte Operis et Tribiliano .III., de podio Catino et Terraniano
et Limisano .II., de Tribuco .II. quarum calces factas idem ipsi qui
fecerunt per dominicas dies vel alias festivitates cum asinis suis sursum in
montem istum ferant. de omnium hominibus castellorum per omnes ebdomadas
.XX. homines veniant, et huic operi attentius per totam ebdomadam
insistant. qua finita, alii .XX. homines succedant, donec omnes homines uniuscuiusque
castelli singulas ebdomadas expleant. ex quibus exceptamus solummodo
bonorum hominum, idest equitum personas. hęc omnia benivola voluntate
concedimus. et si aliquid super his augendum est vel ex eis
minuendum, consilio potius nostri conventus augere vel minuere utiliter curabimus.
verumtamen ne ipsum relinquatur opus, sub divina institutione
stabilimus, et anathema quod exinde concordi fecimus voluntate omnimodis
confirmamus. quod quicumque confirmans custodierit, et adiutorium vel consilium
bonum administraverit, perpetuis ut benedictionibus ditetur firmissime
optamus, et constantissime rogando Domini omnipotentis clementiam flagitamus.
amen.]
Licet autem hanc pręfatus abbas firrniter statuerit constitutionem,
cito tamen in illo defecit bona voluntas in operatione.
nam velut tedium sustinebat, et opus ęcclesię negligens incipere
formidabat. huius tamen operis occasione per omnes abbatię
homines imposuit tributi reddendi dationem. [quam non, ut
finxerat, ad ęcclesię renovationem colligebat, sed in proprios libitus
vel consanguineorum usus dispergere festinabat]. Denique
pro eo [maxime] quod [opus hoc aut quamlibet monasterii utilitatem
congruam incipere vel agere negligebat, et] intus vel
extra bona huius cenobii sine retractione divastabat, quidam [hoc]
non ferentes huius congregationis fratres, de monasterio recesserunt,
et cum aliquibus capitaneis vel civibus Romanis [fidelibus
aliquantis zelo rectitudinis] satagere moliebantur, ut, [salva domni
imperatoris ęqua fidelitate,] compescerent prędictum abbatem ab
huius monasterii divastatione, [et sacramenti quod nobis fecerat,
rationabiliter eum facere recognoscerent pręvaricatorem, et
ne amplius domus hęc per illum dissiparetur studerent,] donec
|
|