... suis … Stephanus.
Non turbetur cor vestrum, nec formidet si post recessum meum de urbe
nullas vobis direxi litteras certificatorias status mei. Nam frequentes et
graves infirmitates, quas passus sum, non permiserunt me vacare scripturis.
Nunc vero, per Dei gratiam, ab ipsis infirmitatibus liberatus, dignum
duxi vobis ad solacium litteras destinare. Noveritis itaque, quod dudum
ante quindenam Natalis Domini proximo preteriti applicui Burdegalam,
ubi … morabatur rex. Apud <eum> mansi per sex septimanas ibidem,
regia benignitate receptus et honorificentia condigna tractatus ab ipso.
Dicatis namque mercatoribus creditoribus meis, quod patientiam in me
habeant et omnia reddam eis.
... notariis Stephanus.
Possem vos increpare desidie, cum a vobis numquam vel raro salutatorias
saltem litteras habere meruerim, ut a me vos vice mutua reciperetis et
meas. Et licet ex hoc merito scribentis se manus ad membranam et calamum
|
|