Iohannes Monachus: Chronicon Vulturnense, II

Pag 4


quodammodo vespera sciebat, et si neglecto creatore in creature
permaneret aspectu nox fieret, si vero laudem eius ad Deum
referens in divina racione respiceret mane fiebat.> duo magna luminaria,
Christum in carne, et eius genitrice, firmamentum vero
“ecclesiam” intelligendum, iuxta apostolum “que”, inquit, “est
“columpna et firmamentum veritatis”. stellas singulas ecclesias particulatim
per loca diversa accipiendum. item solem Christum, lunam
ecclesiam, stellas sanctos, firmamentum illum, de quo dicit propheta:
“Firmamentum meum, et refugium meum es tu”.dictum est
“luminare maius, ut preesset diei, et luminare minus, ut preesset
“nocti” <ubi> non inchoacionem, sed principatum intelligitur,
quia per diem sol principatum tenet, et per noctem luna, que tunc
omnia sydera suo fulgore superant. et quod dicitur dividant inter
solem, et lunam, hoc est ut iam certus esset numerus syderum,
quid per diem, et quid per noctem appareret hominibus. et quod
dictum est: “dividant inter diem, et noctem”, hoc est ita inter
se dividant diem et noctem, ut soli detur dies, et nox lune, tunc
fecit Deus lucem, cum Christus resurrexit a mortuis; et lux divisa
est a tenebris, quando immortalitas a mortalitate discreta est.
quartus dies quartum tempus <est>, vidimus quatuor fluminibus
paradysi omnem terram irrigari, quatuor evangeliorum libris Dei
archana per totum orbem revelari, quatuor litteris primum hominem
vocari, quatuor esse angulos celi, quatuor elementis corpus
humanum contineri, cuius ustionem, vel defeccionem, inter validissimas
persecutorum tribulaciones, et miseriarum relevaciones
exponimus.

Torna all'inizio