Anno .MCXXXVIIII. Innocentius papa captus est a Rogerio rege
Sicuorum. .MCXLII. monasterium novum inchoatur in monte.
Anno .MCXLIIII. Adenulfus abbas obiit. .MCXLV. Eugenius III
apud Farfense monasterium papa est consecratus. .MCXLVI. Rolandus
factus est abbas.
.MCXLVII. castellum Sancti Laurentii in Picta inchoatur.
eodem anno rex Alemannię et rex Francię ultra mare cum innumerabili
exercitu perrexerunt.
Anno Christi .MCXLVIIII. Reatina civitas ab exercitu Rogerii
regis Sicilię est destructa. anno Domini .MCLIII. Eugenius papa
obiit mense iulio. cui successit Anastasius Savinensis episcopus,
qui sedit annum unum. huic successit Adrianus.
Anno Christi .MCLV. … de … sub . gatus
d … mense ma …
.MCLV. Fredericus rex in Italiam venit cum magno exercitu,
capta et destructa civitate quę Terdona dicitur, ivitque Romam,
et ibi unctus est in imperatorem ab Adriano IIII papa in festivitate
sanctorum Marcelli et Marcellini, sabbati die. eo die armata manu
Romani super eum irruerunt, et predam ipso non repugnante
duxerunt, equos videlicet ac paviliones. qua de causa succensus
imperator ira, sumpsit arma, et ex eis magnam cedem fecit. post
Farfam adiit, ibique societate accepta a domno abbate et omni congregatione,
honoraturum se altare et nobis iustitiam facere de
cunctis rebus huius monasterii libentissime spopondit. inde Spoletum
pergens, cepit civitatem, succendit, divastavit ac depredatus
est, mense iulio, die .XXIII., feria .IIII.
Anno Domini .MCLVIIII. Adrianus papa obiit .II. kal. septembris.
hic sedit annis .V., menses .VIII. et contentio exorta est
inter Alexandrum papam et Octavianum qui dictus est Victor.
... m anni Domini .MCLXXXI. Alexander papa tertius obiit
.III. kal. sebtembris. hic sedit annis .XXII.