civitate, contra quam bellum firmatum, obsessa et aggravata est
per annos decem. tandem capta et subacta civitate, Eneas cum
ceteris viris fugiit in Italiam, ut ibi cum suis protegeretur aliqui
vero de principibus eius, Priamus et Antenor, sociatis sibi decem
milibus, fugerunt cum navibus et, per ripas Tanay fluminis
ac Meotides paludes ascendentes, terminos Pannonie expugnaverunt,
ubi ceperunt edificare civitatem, quam vocaverunt Sicambriam,
et ibi habitantes annis multis creverunt in gentem magnam.
preterea post longo sequenti tempore, regnante apud Romanos
Valentiniano imperatore, gens atrocissima Alanorum rebellavit contra
predictum. imperatorem. tunc imperator, commoto exercitu,
direxerunt aciem contra eos, quos superavit, attrivit ac debellavit;
at illi fugientes, inter predictas paludes se munientes receperunt.
imperator ergo, eos capere volens nec valens, ait exercitibus suis.
ut quecumque gens istos cicere ex palude potuisset, esset immunis
a tributis et exaccione imperiali annis decem tunc congregati
simul hii qui fuerint eiecti de civitate Troiani, fecerunt insidias
ex adverso, et ingressi in Meotidas paludes cum reliquo exercitu
Romanorum, predictos Alanos percusserunt in ore gladii. tunc,
pro hac victoria, appellavit eos Valentinianus imperator, lingua
artica, Francos, quod latino sermone intelliguntur feri, idest ferociter
exardescentes. transactis decem annis, misit imperator
exactores cum Primario duce de Romano senatu, ut reciperent
pretermissa tributa a populo Francorum. illi vero insurgentes
|
|