omnino paratos omnibus eorum preceptis stare et obedire,
dum tamen se non deierarent; recordantes etiam eis, quatenus
bene scirent, quod ipsi fidelitatem imperatori eorum
precepto iam fecerant et, si ipsis in omnibus se parere iurarent
et imperatoris fidelitatem, quam prius iuraverant,
non anteponerent, quod ipsi deierarent et postea interfici
ac omnia sua bona iure amittere deberent. Archiepiscopus
itaque et Laudensis episcopus, predictus quoque Caravalensis
abbas et prior de Pontia una cum predicta circa de Clugnea
omnes unanimiter predictos Mediolanensium consulem
deprecantes et ammonentes, ut Laudenses omnes prospicerent
et, quod eis facere volebant, quia satis fuerat, libenter
acciperent. Postremo, quid dicam vel quid in prolixo sermone
moram faciam, nisi quod neque preces neque lacrime aliquid
unquam proficere potuerunt. Sicque Laudenses omnes valde
mesti reversi fuerunt Laude.
Interea duo cardinales quidem Romane sedis legati, videlicet
|
1
5
10
15
|