Nicolaus de Rocca clericus: Epistolae

Pag 130


Viris prudentibus et honestate preditis Rectoribus Casinensibus, Nicolaus
de Rocca quicquid potest servitii vel honoris.
Habet hoc proprium amicabilis sinceritatis integritas, ut amicorum
alter alterius onera subeat, nec reclamet si aliquando pungitur, sed cogitet
inferre que patitur et pati penset moderate quod infert. Sed habet
aliud adiacens pura dilectio, ut, si plus debito tangitur obviet, et si plus
concepto recipit illata nullo modo patiatur. Incidit hoc, si verum fatear,
patres, in vobis, dum abbatis vestri non observata collatio, quod cum
verecundia refero, a vobis causam dicitur habuisse. Frumentum quidem
abbas idem in Bantra mihi nec querenti nec instanti concessit, sed
concepta patris est decepta largitio, dum Rector ibidem residens collatum
frumentum asserit, mandatorum vestrorum auctoritate sublatum.
Quamquam igitur id receptori cedat ad dedecus, vobis, si dicere liceat, non

Torna all'inizio