Nazarii fabricata fuerat, lapides maximos iactabat. Ipsi
equidem Mediolanenses duas alias preterias intus de ipsa porta
habentes quandoque supra ipsam turrem quandoque etiam
satis ultra lapides proiciebant.
Interea quodam die Mediolanenses per pusterlam, que
erat per medium Sanctum Dionisium, foras prosilientes
Boemenses acriter invaserunt. Qui cum aliis Teutonicis et
Papiensibus etiam, qui ex ea parte similiter hospitati fuerant,
contra Mediolanenses armati exeuntes ita viriliter eos expugnaverunt,
quod ipsi Girardum Vicecomitem et Tazonem
de Mandello, duos nobilissimos Mediolani capitaneos, aliosque
etiam quam plures ex illis interfecerunt plurimosque vivos
capientes in castris deduxerunt; reliquos namque usque ad
portam, ex qua exierant, maxima virtute fugaverunt.
Preterea alio quodam die ipsi Mediolanenses per pusterlam,
que dicebatur porta Tosa, ad prelium exeuntes, Teutonici
et Cremonenses una cum Laudensibus obviam iverunt. Maximo
igitur prelio incepto multisque ab utraque parte interfectis,
|
1
5
10
15
|