presentiarum scientes tedet lectionis huiusce, non invideant
saltem posteris ac scire fortasse volentibus, presertim
cum solis illis ista providerim. Nisi enim prisca veterum
gesta stilus commendaret utcumque, nulla prorsus preteritorum
vobis superesset memoria. Recondatur ergo interim
sub modio nostrum hoc qualecumque negotium tempore
proferendum suo. Cuius privatum ac singulare volumen sue
limina civitatis rogo nullatenus excedat; quod si videtur hoc
parum, extendatur ad arcum usque Romanum. Legitimus
narrationis ordo a superioribus ad inferiora descendit. Set quia
ex preteritis pendent presentia, ab illis ad ea, que sunt in manibus
gestorum decurrat oratio; ita tamen, ut relicta vetustate ex
recenti memoria summatur exordium.
|
|