XII
De duodecima parte
Quae est de habituatione
Haec pars est de habituatione huius Artis. Et ipsa diuiditur in
tres partes. Quarum prima est de tredecim partibus, in quas haec
Ars diuiditur. Et illas artista huius Artis debet habituare, ut ipse
sciat applicare quaestionem ad illum locum seu loca, quaestioni
dispositum seu disposita secundum proportionem materiae quaestionis.
Secunda
pars est, quod habituet modum et processum textus
huius Artis, tenendo modum textus ad probandum et soluendum
quaestiones peregrinas illo modo, per quem sunt explicatae in
textu: sicut unum exemplum, per quod aliud est declaratum et
exemplificatum.
Tertia pars est, quod ipse habeat modum multiplicandi quaestiones
et solutiones ad unam et eandem conclusionem, ut per
tertiam et quartam figuram et tabulam significatum est. Et haec
de habituatione sufficiant causa breuitatis.
XIII
De tertia decima parte
Quae est de modo docendi hanc Artem
Pars ista diuiditur in quattuor partes. Prima est, ut artista bene
sciat alphabetum cordetenus et figuras, definitiones et regulas
atque assituationem tabulae.
Secunda pars et, ut ipse declaret bene textum scholaribus
rationabiliter, et non liget se cum auctoritatibus aliorum. Et quod
scholares praelegant textum; et si dubitauerint in aliquo, petant ab
artista siue a magistro illud.
Tertia pars est, quod magister siue artista faciat quaestiones
coram scholaribus; et soluat eas rationabiliter secundum Artis
|
|