Requisitus nuper a pluribus ut qualemqualem gustum propinem dictaminis
quo licet non refici possit, tamen exuriens anhelitum mitigari,
eorum nolens precibus contraire, proposui hoc tempore labori quod est otii
comodare, ac in dictaminis studio me audire volentibus exponere servitorem.
Ad cuius proximas nuptias, cum te sperem non redire inglorium,
inviteris.
... amicus … amico.
Ars artium mater omnium, placatio dominorum, furoris cuiuslibet
extintiva, excelsa videlicet dictandi peritia, in quantum ministrat ingenii
parvitas, per me petit, hoc tempore, me audire volentibus reserari. Ad
cuius melliflua pocula, quam cito venire poteris, te sentias invitatum.
De probitatis vestre fama, que litteralis scientie honore prefulget, dumtaxat
ex auditu confisus, discretioni vestre pro … filio dilecto mihi affectuosas
|
|