Se[ve]ri predia rustica vel urbana minorum, sine
decreti interpositione, et nisi causa congnita et inspecta,
inminente ere alieno, destrahi prohibetur, idcirco M.
filius I., tutor vel mundualdus I. pupilli, vel talis pupille
et filie quondam I., fratris eius, tanquam innocens
tutor vel mundualdus eius res et bona recte administrans,
inminente sibi ere alieno, et quidem paterno
debito usurario, quod in veritate debetur tali creditori
paterno, et quod debetur I. matri ipsius pupilli pro
dote, donatione et ratione sua que est librarum tot,
causa quidem congnita et inspecta, et decreto legittime
a tali iudice ordinario interposito, autoritate ipsius iudicis
et talis curie, si in curia fuerit, se et suos heredes,
proprio et privato suo nomine, et tutorio nomine, et
utroque modo et iure et nomine in solidum obligando,
per hoc venditionis instrumentum, iure tali vendidit,
dedit, tradidit et concessit tali et cetera; ut supra in
venditione de pupillo promictat sic.
DE PROMISSIONE PUPILLI.
Item dictus I. tutor, et eius rogatu, et mandato talis
filii talis, pro eo fideiubens, et quilibet se et suos heredes
proprio et privato suo nomine, et in solidum, obligando,
per stipulationem, quisque in totum, promiserunt et
convenerunt, et pactum fecerunt dicto I. emptori, et
eius heredibus, quod, cumque dictus pervenerit ad etatem
.XIIII. annorum, cum sacramento vel sine sacramento,
vel de hinc ad talem terminum factum, et curabit
ita quod dictus I. pupillus, vel sui heredes, facient
eidem emptori, vel eius heredibus, de predicta re vendita
similem cartam venditionis, traditionis, et co[n]cessionis,
supradicta omnia et singula confirmando pro
eodem pretio vere soluto, confitendo ipsum in suam utilitatem
esse conversum, scilicet sine alio pretio vel expensa,
ad dictum sui sapientis vel sapientum, infra unum mensem
proximun post inquisitionem factam sibi vel eius heredibus,
|
|