.C., hoc publico manumissionis instrumento, die
presenti dedit, concessit, detegit atque est largitus M.
filio I., et eius filiis et filiabus ac descendentibus in
perpetuum, meram ac plenissimam civitatem, suamque
[libertatem] manu propria, et post dimisit, quatenus a
presenti die liberi, absoluti, ipse et filius, ab omni vinculo
et conditione servitutis permaneant, dumque ipsum M.
cereum accensum gerentem, tenentem, misit ipsum in
manus presbiteri Guidi ut ducat ipsum circa sacrosanctum
altare sancti Stefani, ubi dicitur quod sacerdos
ecclesiastica celebrat offitia, sicque ab eo in quarta manu
traditi et per quadruvium missi, liberi, absoluti et ingenui,
ipse et qui ex eo nati de libera muliere vel procreati
erunt, de cetero in perpetuum habeant. Et insuper
dedit et concessit eidem omnem mobilem et peculium
suum, et bona et res suas omnes mobiles et inmobiles,
ipsum ab omni iure reverentie patronatus penitus
absolvendo, liberam quoque licentiam et potestatem
dedit et concessit eidem contraendi distraendi,
et quicquid ei placuerit legiptime faciendi, ut nullam
litem nullamque contraversiam ab ipso, vel eius heredibus,
occasione servitutis, nec alio quolibet modo vel
tempore, deinceps ipse vel eius heredes substineant, set
semper quiete et pacifice, honore et beneficio romane
civitatis, ut ceteri cives et ingenui, perfruantur, emendo
scilicet e[t] vendendo, dando, permutando, stipulando,
et se et sua aliis obligando, testamentum quoque faciendo
et cetera, civilia negotia decentia et conpetentia
gerendo, sine alicuius contradictione, lite vel molestia;
ab omni quoque autem persona et loco, pro scriptura
libertatem semper de iure legittime defendere et
autoriçare et expedire ei et eius heredibus promictens,
et se suosque heredes obligando promisit eidem non
contra hec datum vel factum habere, nec facere in futurum
et cetera, [sicut] de pena et uxore et aliis, ut
supra
|
|