DENIQUE hoc tempore Henricus imperator Romam venit, et
de manu Benedicti octavi pape imperii coronam accepit.
At cum Apulie fines peragraret, Beneventum venit, ubi vir
Domini Ylarius abbas ad eum accessit, et pro necessariis huius
monasterii rebus eius clemenciam humiliter exoravit, a quo honorifice
susceptus, iusticiam plenissime adeptus est, sicut hic
scriptum est.
IUDICATUM DE PINNE, APRUCIO, TERMOLE ET TETE.
In Dei nomine. Noticia iudicati, qualiter pro futuris temporibus
memorie recordandum, id est in territorio Beneventano, in locum
qui nominatur ad Campum de Petra, ibique in presencia
domni Henrici serenissimi imperatoris, et erant cum eo Thiericus
cancellarius et summus consiliarius domni imperatoris, et Leo
episcopus Vercellencie, et Oldericus episcopus Tredentinus, et
|
|