Illustris vir d. comes Rogerius filius domini comitis Guidonis de Mutilliana, illustris
vir d. comes Manfredus filius domini comitis Guidonis Novelli fuerunt potestates civitatis
Favencie M.CC.LXXVII, quilibet eorum per sex menses anni predicti, scilicet comes Rogerius
pro primis sex mensibus et comes Manfredus pro ultimis. Eo anno, de mense madii, comune
Forlivii, cum milicia et populo universo et omnibus suis comitatinis, et cum milicia
de Arimino et Cesena, et comune Faventie et tota pars Lanbertaciorum Faventie commorancium
fecerunt exercitum generalem supra Bagnacavallum, in quo exercitu fuerunt d. comes
Guido de Montefeltro capitaneus generalis guerre, d. comes Guido Novellus, comites
Tigrimus et Facius filii domini comitis de Mutilliana, et honorabilis maxenata comunis
Forlivii, cum tenptoriis et travachis et omnibus paramentis ad exercitum oportunis, et a latere,
desuptus Bagnacavallum, exercitum posuerunt, ubi steterunt XII dies, facientes manganos,
qui iactabant lapides VI. librarum in ipsum castrum. Et, ipso exercitu existente ibidem,
comune Bononie fecit maximum guarnimentum militum de Parma, Regio, Mutina, Feraria,
Pistorio, et, cum toto exforcio militum et peditum, venerunt Imolam, ut eorum timore dictus
exercitus separaret se [de ipso castro; sed] se cicius non moverunt.
Et eo anno, die mercurii XVI [mensis iunii dominus comes Rogerius] potestas Faventie,
cum omnibus Faventinis, et [illi de parte Lanber]taciorum Faventie commorantes, ta[m milites
quam pedites, posuerunt exer]citum apud Codognolam, et [ibidem aliud castrum fecerunt
edificari], ex parte manca fluminis [Alamonis, ad iniuriam illorum ] de Bagnacavallo et ad
defensionem [ districtus Faventie ].
Eo vero anno, tenpore regiminis d. comitis Manfredi potestatis Faventie, fuit potestas
Forlivii dominus Vicencius de Aunestis de Ravenna, et capitaneus populi Forlivii fuit d.
Busonus de Eugubio, vir prudens et loquax, quorum tenpore dominus Paganinus de Argoglosiis
et Guilielmus de Ordelaffis exiverunt civitatem Forlivii, et iverunt ad civitatem Florentie
tanquam rebelles comunis, et, dicta de causa, fuerunt exbanniti, et domus eorum dirute
per comune Forlivii. Et tractaverunt predicti cum Guelfis de Florentia et cum parte
Geremiorum de Bononia, dicentes se taliter facturos cum amicis eorum de Forlivio, quod ipsi
darent civitatem Forlivii dictis Guelfis et parti Geremiorum, et super hoc ultra quam [V.c]
homines de Forlivio iuraverant se facturos; et in hoc tractatu fuerunt bene per VIII menses
et ultra, ita quod pars Geremiorum, que tunc dominabatur in civitate Bononie, misit anbaxiatores
suos ad civitatem Florencie pro dicto tractatu faciendo et conplendo, et ibidem inventi
|
|