(78) Gratulari de bonis temporalibus non pertinet ad prudentem.
(79) Gemit in presenti vir sapiens ut gaudeat in futuro.
(80) Gerit in maginem false beatitudinis felicitas temporalis.
(81) Gratum est donum quod prevenit postulantem.
(82) Gloriosum est de nullo presentis vite commodo gloriari.
(83) Grave parit periculum peccatum ex consuetudine radicatum.
(84) Gratanter est accipiendum munus pauperis licet parvum.
(85) Homo est ultra hominem si perspicaciter se congnoscit.
(86) Haurit aquam salutiferam qui prudentem doctorem sequitur et fidelem.
(87) Hoc est invidie dignum supplicium quod se ipsam lacerat et consumit.
(88) Habet unus quisque quod lugeat dum permanet in hac vita.
(89) Hiat semper acquirendis cupiditas nil umquam reputans acquisita.
(90) Hemitriteus modicus docet quam caduca hominum sit natura.
(91) Inter pestes nulla est amplius quam mulier fugienda.
(92) In antiquis sapientia et in multo tempore prudentia invenitur.
(93) Is est contempnendus ab omnibus qui se precunctis reputat sapientem