devotioni fidelium satisfaciens, ad communem utilitatem recitanda
legivo sanctę ęcclesię tradidisset. Nobis autem
in angusto cellulę angulo residentibus utilius erat, sicut proposuimus,
propria peccata ad mentis oculos assidue revocare, quam alienę
virtutis hystoriam texere; magis expediret commissi reatus
tenebras plangere, quam splendida sanctitatis insignia imperitis sermonibus
offuscare. Verumtamen cum ad sepulchrum eius ex longinquis
terrarum partibus toto anno maximeque in eius festivitate
fidelium multitudo conveniat, miracula per eum divinitus
facta conspiciat, audire vitę eius hystoriam desiderabiliter
quęrat, sed utpute quę non sit, audire non valeat; non inrationabiliter
pertimescimus ne celeberrima eius fama, quę adhuc populi
totius ore depromitur, labente curriculo temporum, de memoria
hominum pęnitus deleatur.
Quapropter hoc timore compulsus multorumque fratrum
precibus et germana karitate devinctus, quod de predicto mirabili
viro ab egregiis eius discipulis didici aggrediar Deo auctore
describere, vitęque eius initium, cursum et finem, nimirum imperitus
homo, non hystoriam texens, sed quoddam quasi breve commonitorium
faciens, quibuscumque temptabo litterarum apicibus
exarare. Hoc autem unum in primis lectorem meum nosse
desidero, quia non multa per eum facta miracula in hac ego descriptiuncula
colligam, sed potius quod ad ędificationem omnimodis
attinet, conversationis eius ordinem referre contendam.
|
1
5
10
15
20
|