tam de servitiis quae divae memoriae
genitori nostro nobis et Imperio, tua incessanter
fidelitas contulit fideliter et gratanter
quam de his, quae vestrae te speramus Celsitudini
gratiosius in antea collaturum, devotionem
tuam dignis extollere praemiis meritorum.
Cap. LXXVIII.
Idem significat se iturum contra rebelles, et
animat in fide fideles narrando magnitudinem
sui exercitus.
Fidem et devotionem nostrorum fidelium,
et quondam felicissimi patris nostri [divae
memoriae] recolendam, quam post
ejus obitum inviolatam permansisse cognovimus,
et ad prosperum honorem nostrum
nostraeque sublimitatis augmentum, placidae
successionis ordine ardentius anhelare volentes,
et eorum bonis exigentibus meritis ad statum
pacificum et magnificum promovere, ut
perseverantiam fidelitatis vestrae nobis gratam
et vobis utilem cognoscatis; ecce quod ad partes
Imperii pro exterminatione hostium vestrorum,
nostrorumque rebellium qui
maxime Celsitudini nostrae spontanei noluerunt
subjacere, nec assistere nobis pro tranquillitate
durabili conquirenda, cum felici et innumerabili