a morte, nec potest anima devenire ad manus mortis nisi pateant
ei occasiones ducentes ad mortem. Et vidit invenem
stantem in litore maris, suspirantem propter mundi adversitates,
et dixit ei: fili, non suspires ob nocumentum quod habeas; nam
si esses multum dives et morareris in medio maris sub periculo
corpris et rerum, obtaresne aliud nisi evadere corpus tantum?
Respondit: non aliud. Dixit etiam: si esses rex et quereret te
aliquis occidere et privare regno, obtaresne aliud nisi evadere
corpus a morte? Respondit: non aliud. Dixit Rabion: puta te
predicta pericula incurrisse et tandem personam liberam evasisse,
et sis contentus status in quo es. Et recessit iuvenis confortatus.
YPOCRAS fuit discipulus Esculapii phisici secundi et
fuit de genere Esculapii primi a quo et genere suo processere
reges in grecia diu. Et ab eodem incepit ars medicine quam
ostendit et docuit ipse filiis suis, mandans eis quod medicina
extraneos non docerent, immo patres ostenderent filiis et sic
procederent semper, quod artis nobilitas semper fixa maneret in
eis. Et mandavit eis similiter quod morarentur in medio habitationis
terre grecorum in tribus insulis: una dicitur Rodes,
alia Cavidas, tercia Cau; et docuerunt medicinam in hiis
tribus insulis. Ypocras autem fuit de insula Chau; et perditum
fuit studium quod fuit in duabus insulis, et remansit in Chau.
Et fuit opinio Exculapii primi quod medicina constaret in experiencia
tantum, quia medicina scita non fuit nisi causa experiencie.
Et hoc modo fuerunt medicina usi mille et quadringentis
annis usquequo apparuit Micius medicus qui tenuit quod experiencia
|
|