Secularium personarum similiter nonnulle sunt discrepantie.
Nempe aliter patrem, aliter matrem, aliter fratrem,
aliter sororem, aliter filium vel filiam, aliter propinquum,
aliter extraneum salutamus; aliter nobilem, aliter sapientem,
aliter principatum habentem, aliter nulla dignitate utentem.
Que omnia in subsequentibus liquido declarabimus, ut per
subiecta exempla plura, que non dicimus, concipiantur.
1. G. venerabili et amabili clerico divina et humana
sapientia imbuto R. suus fidelissimus quicquid utriusque vite
felicius.
2. A. clericorum eximio, omni commendando tripudio O.
suorum amicorum fidelissimus quicquid potest scribi
iocundius; vel: quicquid est contrarium malo preter ipsum
malum.
3. Ad monachum. Domno M. venerabili monacho, regularibus
disciplinis adprime instructo A. in omnibus et per
omnia subditus fidelitatis obsequium; vel aliter: sincere
devotionis famulatum.
4. M. Dei gratia religiosissimo
cenobite Benedicti
regula renitenti B. humillimus
frater et peccator monachus in
Domino eternam salutem, vere
felicitatis pereternitatem. Aliter:
|
|