sibi fore cognoscebant. Quocirca, ne per vim ab imperatore
aliisque Longobardis caperetur civitas eorum, trepidantes,
exinde qualiter amorem imperatoris eiusque gratiam recuperare
possent, assidue temptare non cessaverunt. Tandem vero
multis ab imperatore ipsis prebitis induciis interventu domini
Conradi fratris imperatoris, ad quem Placentini declinaverant,
in quadam die Veneris, que fuit undecima die mensis Madii,
reddiderunt se consules Placentie cum aliquibus suis militibus
imperatori clarissimo apud Sanctum Salvatorem, qui est
extra civitatem Ticinensem, cum spatis evaginatis in manibus.
Et iuraverunt dare imperatori sex milia marchas argenti
et destruere omnia fossata civitatis sue ac muros civiles et
recipere potestatem, quam imperator eis donaret, atque
restituere sibi omnia iura regalia ac dare ipsi omnia castra
episcopatus Placentie, que vellet.
Quibus omnibus feliciter actis dedit imperator nobilissimus
Brixiensibus ac etiam Pergamensibus in potestatem Marchoardum
de Grumbac, Mediolanensibus vero dominum .…
|
1
5
10
15
|